راولپنڈی: (دنیا نیوز) پاکستان سپر لیگ (پی ایس ایل) سیزن 8 کے 28ویں میچ میں ملتان سلطانز کے عثمان خان نے کوئٹہ گلیڈ ایٹرز کیخلاف 36 گیندوں پر پی ایس ایل تاریخ کی تیز ترین سنچری بنا ڈالی۔
راولپنڈی میں جاری میچ میں عثمان خان نے 36 گیندوں پر 100 رنز مکمل کر کے رلی روسو سے پی ایس ایل تاریخ کی تیز ترین سنچری بنانے کا اعزاز چھین لیا۔
— PakistanSuperLeague (@thePSLt20) March 11, 2023
رلی روسو نے گزشتہ روز41 گیندوں پر سنچری بنا کر پی ایس ایل تاریخ کی تیز سنچری کا اپنا ہی ریکارڈ توڑا تھا، اس سے پہلے 44 گیندوں پر تیز ترین سنچری کا اعزاز بھی روسو کے پاس تھا۔
— PakistanSuperLeague (@thePSLt20) March 11, 2023
عثمان خان نے نہ صرف رلی روسو کا تیز ترین سنچری کا ریکارڈ توڑا بلکہ وہ پی ایس ایل ڈیبیو پر سنچری کرنے والے پہلے کھلاڑی بھی بن گئے ہیں۔
