لاہور: (روزنامہ دنیا) قومی ٹیم کے آل راؤنڈر شاداب خان نے بابر اعظم کو بادشاہ قرار دیدیا۔
ٹوئٹر پر شاداب خان نے گزشتہ رو ز کے میچ کے دوران لی گئی بابر اعظم اور امام الحق کی تصاویر شیئر کیں اور بابر کو بادشاہ قرار دیا۔ شاداب نے بابر اعظم اور امام الحق کی سنچریوں کی تعریف کرتے ہوئے لکھا کہ ایک ضروری بات وہ یہ کہ بادشاہ ایک ہے اور وہ بابر ہے۔
شاداب نے ٹویٹ میں ٹیم کی کوشش اور فاسٹ بالر زکو بہترین کھیل پیش کرنے پر بھی سراہا۔ انہوں نے لکھا کہ فخر زمان نے اچھا آغاز کیا، افتخار اور خوشدل نے پرسکون انداز میں میچ کو ختم کیا۔ شاداب نے شائقین کو امید دلائی کہ یقین رکھیں ہم بحیثیت ٹیم سخت محنت کریں گے۔
یاد رہے کہ گزشتہ روز پاکستان نے کپتان بابر اعظم اور امام الحق کی شاندار بیٹنگ کی بدولت آسٹریلیا کو دوسرے ون ڈے میں 6 وکٹوں سے شکست دے کر 3 میچز کی سیریز ایک ، ایک سے برابر کرلی تھی۔
