لاہور: (ویب ڈیسک) پاکستان سپر لیگ (پی ایس ایل) سیزن 6 میں ملتان سلطانز کی نمائندگی کرنے والے قومی کرکٹ ٹیم کے سابق کپتان شاہد آفریدی کو ساتھی کھلاڑیوں کی یاد آنے لگی۔
یاد رہے کہ ملتان سلطانز کے سٹار آل راؤنڈر شاہد آفریدی کمر کی انجری کے باعث پاکستان سپر لیگ 6 کے بقیہ میچز سے باہر ہوگئے تھے، شاہد آفریدی نے پاکستان سپر لیگ 6 کے چار میچز میں ملتان سلطانز کی نمائندگی کی تھی۔
تاہم اب ملتان سلطانز پہلی بار ایونٹ کے فائنل میں پہنچ چکی ہے، پی ٹی آئی رہنما جہانگیر ترین کے بیٹے علی ترین نے ٹیم کے فائنل میں پہنچنے پر خوشی کا اظہار کیا اور ساتھ ہی شاہد آفریدی کے نام پیغام میں لکھا کہ ہم ان میچز میں شاہد آفریدی کو بہت مِس کررہے ہیں۔
— Ali Khan Tareen (@aliktareen) June 22, 2021
علی ترین کے ٹوئٹ پر شاہد آفریدی نے کہا کہ وہ بھی اپنی ٹیم کو یاد کررہے ہیں اور یہ حسرت ہی رہ گئی کہ وہ بھی ابوظبی میں کھیل رہے ہوتے۔
— Shahid Afridi (@SAfridiOfficial) June 22, 2021
