لاہور: (دنیا نیوز) پاکستانی کرکٹ امپائر علیم ڈار نے ایک اور اعزاز حاصل کرتے ہوئے 400 انٹرنیشنل میچز مکمل کرلیے۔
تفصیلات کے مطابق پاکستانی امپائر علیم ڈار نے ایک اور اعزاز کو گلے لگا لیا، انٹرنیشنل میچز میں انہوں نے 400 میچز مکمل کر لیے ہیں، اس طرح وہ دنیا کے نمبر ون امپائر بن گئے ہیں۔ علیم ڈار نے 136 ٹیسٹ، 211 ون ڈے، 53 ٹی 20 میچز میں امپائرنگ کی۔
امپائرنگ میں 4 سنچریز مکمل کرنے پر علیم ڈار نے خوشی کا اظہار کرتے ہوئے کہا ہے کہ والدین، پرستاروں اور میڈیا کا خصوصی شکریہ ادا کرتا ہوں۔
Congratulations to umpire Aleem Dar, who is standing in his 400th men s international game today
— ICC (@ICC) March 20, 2021
What an achievement!#AFGvZIM pic.twitter.com/06ZAj1BtUY
دوسری طرف انٹرنیشنل کرکٹ کونسل (آئی سی سی) نے بھی 400 انٹرنیشنل مکمل کرنے پر پاکستانی امپائر علیم ڈار کو مبارکباد دی ہے۔
