کراچی: (دنیا نیوز) ورلڈ بینک نے صوبہ پنجاب کے لئے 30 کروڑڈالر سے زائد قرض کی منظوری دے دی۔
ورلڈ بینک نے پنجاب میں ٹیکس، ڈیجیٹل افادیت سمیت منصوبوں کیلئے 30 کروڑ 40 لاکھ ڈالر قرض کی منظوری دی ہے، رقم پنجاب ری سورس اینڈ ڈیجیٹل ایفیکٹونس پروگرام کے لئے دی جائے گی۔
منصوبے کے تحت دی گئی رقم، وسائل میں بہتری اور ڈیجیٹل افادیت کے پراجیکٹس پر خرچ کی جائے گی، منصوبوں میں ٹیکس اور رجسٹریشن کے نظام میں بہتری کے ساتھ ساتھ عوام کیلئے آسانی لانا بھی شامل ہے۔
