ویٹی کن سٹی: (ویب ڈیسک) کیتھولک عیسائیوں کے روحانی پیشوا پوپ فرانسس کی طبیعت مزید بگڑی گئی۔
کیتھولک عیسائیوں کے مرکز ویٹی کن کی جانب سے جاری ایک بیان میں بتایا گیا ہے کہ پوپ فرانسس دمے کے عارضہ میں مبتلا ہیں اور ان کی حالت اب کل کے مقابلے میں زیادہ بگڑ گئی ہے، انہیں خون کی بوتل لگائی گئی ہے اور دونوں پھیپھڑوں میں نمونیا کا علاج جاری ہے۔
ویٹی کن کا کہنا ہے کہ پوپ کے پلیٹ لیٹس کی تعداد کم ہو گئی ہے جس کی وجہ سے خون کی منتقلی ضروری سمجھی گئی ہے، ڈاکٹرز نے ان کی حالت کو پیچیدہ قرار دیا ہے۔
بیان میں مزید کہا گیا کہ پوپ فرانسس مسلسل محتاط رہتے ہیں اور ایک کرسی پر دن گزار رہے ہیں حالانکہ وہ کل سے زیادہ تکلیف میں ہیں۔
خیال رہے کہ رومن کیتھولک چرچ کے سربراہ کے طور پر اپنے 12 سالہ دور میں پوپ فرانسس متعدد بار ہسپتال میں داخل ہو چکے ہیں انہوں نے مارچ 2023 میں بھی ایک ہسپتال میں تین راتیں گزاریں۔
