واشنگٹن: (ویب ڈیسک) امریکا کے سابق صدر اور موجودہ ری پبلکین صدارتی امیدوار ڈونلڈ ٹرمپ نے کہا ہے کہ روس کے ساتھ جنگ شروع کرنے کے ذمہ دار یوکرینی صدر ہیں۔
ٹرمپ نے صدر زیلنسکی پر الزام عائد کرتے ہوئے کہا کہ یوکرینی صدر یہ جنگ شروع ہونے کی نوبت ہی نہ آنے دیتے۔
گزشتہ روز ایک پوڈکاسٹ میں بات کرتے ہوئے ٹرمپ نے زیلنسکی کو نہ صرف جنگ ختم کرنے میں ناکامی بلکہ شروع کرنے کا بھی ذمے دار بھی ٹھہرایا، ساتھ ہی ٹرمپ نے امن معاہدے کیلئے تجویز بھی دے ڈالی۔
سابق امریکی صدر نے کہا کہ ہوسکتا ہے امن معاہدے کیلئے یوکرین کو اپنی کچھ زمین روس کے حوالے کرنی پڑے، دوران گفتگو ٹرمپ نے زیلنسکی کو روس کیخلاف جنگ میں اربوں ڈالر امریکی امداد لینے پر "دنیا کا سب سے بڑا سیلزمین" بھی قرار دیا۔
