سیول: (دنیا نیوز) شمالی کوریا نے مزید ایٹمی دھماکے نہ کرنے اور نیوکلئیر میزائل تجربات روکنے کا اعلان کر دیا۔ کم جونگ کا کہنا ہے مشن مکمل ہوگیا ، مزید تجربات نہیں ہوں گے۔
شمالی کوریا کی حکمران ورکرز پارٹی اجلاس میں 6 نکات پر عمل کا فیصلہ کیا گیا جس میں کہا گیا پہلے تمام ٹیسٹ سے ملک کا کامیاب دفاع کیا گیا ، مزید میزائل ٹیسٹ روک دیئے جائیں گے ، نیوکلیئر ٹیسٹ سینٹر بند کر دیا جائے گا۔ حملے کاخطرہ نہ ہوا تو کبھی نیو کلیئرہتھیار استعمال نہیں کریں گے ، تمام کوششیں ملک کی معاشی حالت بہتر کرنے پر مرکوز ہوگی۔ امن کی خاطر شمالی کوریا عالمی سطح پر دوستانہ ماحول پیدا کرے گا۔
North Korea has agreed to suspend all Nuclear Tests and close up a major test site. This is very good news for North Korea and the World - big progress! Look forward to our Summit.
— Donald J. Trump (@realDonaldTrump) April 20, 2018
دوسری جانب فیصلے پر صدر ٹرمپ نے بھی خوشی کا اظہار کیا اور ٹویٹ میں اسے اہم پیش رفت قرار دیتے ہوئے کہا کہ وہ اب شمالی کوریا رہنما سے ملاقات کے منتظر ہیں۔
