کیلیفورنیا: (ویب ڈیسک) امریکا میں محبت کی ایک انوکھی کہانی سامنے آئی ہے جہاں ایک معمر خاتون نے 24 سالہ نوجوان سے منگنی کرکے دنیا کو حیران کر دیا۔
میڈیا رپورٹس کے مطابق جنم جنم ساتھ دینے کی قسمیں کھانے والے ان امریکیوں کے نام 24 سالہ قرن میک کین ہیں اور 61 سالہ چیریل میک گریگر ہیں۔
کہا جا رہا ہے کہ چیریل میک گریگر جب قرن میک کین سے ملیں تو اس کی عمر محض 15 سال تھی۔ چیرل کے ایک ٹک ٹاک ویڈیو میں جب اس نوجوان نے اپنی بزرگ دوست کی مدد کی تو وہ اس کو دل دے بیٹھی۔
دونوں نے اس کے بعد ایک ساتھ ٹک ٹاک ویڈیوز بنانا شروع کر دیں۔ جو دیکھنے والوں میں بہت مقبول ہوئیں۔ وقت گزرنے کیساتھ جب قرن میک کین جوان ہوئے تو انہوں نے چیرل سے اظہار محبت کر دیا جسے انہوں نے بخوشی قبول کر لیا۔
اپنے رشتے کے بارے میں چیرل نے بتایا کہ دونوں کے درمیان کافی پیار ہے۔ دونوں کی لائف کافی شاندار گزر رہی ہے۔ دونوں ہر گزرتے دن کے ساتھ قریب آتے جارہے ہیں۔ اب جلد ہی دونوں شادی بھی کرنے والے ہیں۔
