اسلام آباد:(دنیا نیوز) پی ٹی اے نے اوورسیز پاکستانیوں کو 120 دنوں کے لیے موبائل ڈیوائس رجسٹریشن کی عارضی سہولت فراہم کردی۔
پی ٹی اے کے ترجمان کے مطابق پاکستان کے دورے پر آنے والے بیرون ملک مقیم افراد اپنی ذاتی موبائل ڈیوائسز 120 دنوں کے لیے عارضی طور پر رجسٹر کر سکتے ہیں۔
ترجمان نے بتایا کہ پی ٹی اے نے بیرون ملک مقیم افراد کو پاکستان میں اپنے قیام کے دوران بلا تعطل موبائل کنیکٹوٹی فراہم کرنے کے لیے ڈیزائن کیا گیا ہے، رجسٹریشن بالکل مفت اور مکمل طور پر ڈیجیٹل طریقے سے پی ٹی اے کے آفیشل ڈیوائس رجسٹریشن پورٹل کے ذریعے کی جا سکتی ہے ۔
پی ٹی اے ترجمان کا مزید کہنا تھا کہ صارفین کو جدید، مؤثر اور جامع خدمات کی فراہمی کے لئے پرعزم ہے۔
