بیجنگ: (ویب ڈیسک) چین میں 10 جی براڈ بینڈ انٹرنیٹ سروس متعارف کروا دی گئی ہے۔
غیرملکی خبررساں ادارے کی رپورٹ کے مطابق 10 جی براڈ بینڈ کی ڈاؤن لوڈ سپیڈ 9 ہزار 934 میگا بائٹس فی سیکنڈ اور اپ لوڈ اسپیڈ ایک ہزار 8 میگا بائٹس فی سیکنڈ ہے۔
اس کی انٹرنیٹ سپید اتنی ہے کہ تقریباً 20 جی بی کی فل لینتھ فور کے مووی صرف 20 سیکنڈ میں ڈاؤن لوڈ کی جاسکے گی۔
ماہرین کا کہنا ہے کہ چین کا 10 جی انٹرنیٹ سروس متعارف کرانا ٹیکنالوجی کی دنیا میں ایک بڑی پیشرفت ہے جس کی وجہ سے ٹیکنالوجی کے شعبے کے ساتھ ساتھ صحت، تعلیم اور زراعت کے شعبوں کی استعداد میں بھی اضافہ ہوگا۔
حکام کا کہنا ہے کہ اس لانچ نے چین کو تجارتی درجے کے 10 جی نیٹ ورکس کو رول آؤٹ کرنے میں دیگر ممالک سے آگے رکھا ہے۔
صارفین کی ایپلی کیشنز کے علاوہ نیٹ ورک سے امید کی جاتی ہے کہ وہ ایسے شعبوں کو فائدہ پہنچائے گا جن کو قابل اعتماد تیز رفتار ڈیٹا کی ضرورت ہوتی ہے، ان میں ٹیلی میڈیسن، ریموٹ ایجوکیشن، صحت سے متعلق زراعت اور صنعتی آٹومیشن شامل ہیں۔
حکام کے مطابق ترقی چین کی وسیع تر ڈیجیٹل حکمت عملی کے مطابق ہے، جس میں براڈ بینڈ تک رسائی میں اضافہ، کلاؤڈ انفراسٹرکچر کو بہتر بنانا اور سمارٹ ڈیوائسز اور مصنوعی ذہانت کی متوقع ترقی کیلئے نیٹ ورکس کی تیاری شامل ہے۔
واضح رہے کہ اعلان میں نئی سروس کیلئے قیمتوں یا سبسکرپشن ماڈل کی وضاحت نہیں کی گئی۔
