کیلیفورنیا: (ویب ڈیسک) انسٹنٹ میسیجنگ ایپلی کیشن واٹس ایپ کی جانب سے سٹیٹس یا سٹوری میں طویل ویڈیوز کو شیئر کرنے کا فیچر پیش کئے جانے کا امکان ہے۔
واٹس ایپ کے سٹیٹس یا سٹوری میں اس وقت ایک منٹ تک کی طویل ویڈیو شیئر کی جا سکتی ہے۔
یاد رہے کہ واٹس یپ اسٹیٹس پر ابتدائی طور پر 30 سیکنڈز تک کی ویڈیوز کو شیئر کیا جاتا تھا، بعد میں ایپلی کیشن نے دورانیہ بڑھا کر 60 سیکنڈ یعنی ایک منٹ کر دیا تھا۔
اب واٹس ایپ کی جانب سے مذکورہ درانیے کو بڑھا کر 90 سیکنڈز یعنی ڈیڑھ منٹ تک کئے جانے کا امکان ہے۔
واٹس ایپ کی اپڈیٹس پر نظر رکھنے والی ویب سائٹ کے مطابق سٹیٹس یا سٹوری میں ڈیڑھ منٹ طویل ویڈیو کو شیئر کرنے کا فیچر آزمائش کے لیے پیش کردیا گیا، طویل ویڈیوز کو شیئر کرنے کے فیچر تک محدود صارفین کو رسائی دے دی گئی جبکہ دوسرے مرحلے میں اس تک مزید صارفین کو رسائی دی جائے گی۔
زیادہ صارفین پر آزمائش کے بعد سٹیٹس یا سٹوری میں طویل ویڈیو کو شیئر کرنے کا فیچر پیش کر دیا جائے گا اور امکان ہے کہ چند ماہ میں اسے متعارف کرادیا جائے گا۔
