اسلام آباد: (دنیا نیوز) جے یو آئی سربراہ مولانا فضل الرحمان نے آج بروز جمعہ تمام ضلعی ہیڈ کوارٹرز میں اسرائیلی بربریت کے خلاف مظاہروں کا حکم دے دیا۔
ترجمان جے یو آئی اسلم غوری نے کہا کہ جے یو آئی کارکن اور ذمہ دار مولانا فضل الرحمان کے حکم ہر ضلع میں جمعہ نماز کے بعد احتجاجی مظاہرے کریں۔
انہوں نے کہا کہ فلسطینی مسلمانوں کے ساتھ روا ظلم پر خاموشی ظلم ہے، 13 اپریل کو کراچی میں عظیم الشان اسرائیل مردہ باد کانفرنس ہوگی۔
اسلم غوری نے کہا کہ اسرائیل مردہ باد کانفرنس میں تمام مکاتب فکر کے قائدین کو شرکت کی دعوت دی جائے گی۔
