اسلام آباد:(دنیا نیوز) اسلام آباد ہائیکورٹ بینچ تبدیلی کا ایک اور معاملہ سامنے آگیا۔
جسٹس محسن اختر کیانی کی سربراہی میں کوٹہ کیسز سننے والا لارجر بنچ تبدیل کردیا گیا، جسٹس بابر ستار اور جسٹس سردار اعجاز اسحاق بھی لارجر بنچ کا حصہ تھے۔
لارجر بنچ نے 6 مارچ کو آخری سماعت کی جبکہ آئندہ 10 اپریل سماعت کی تاریخ مقرر تھی۔
ہائیکورٹ ویب سائٹ کے مطابق نیا بنچ قائم مقام چیف جسٹس سرفراز ڈوگر کی سربراہی میں قائم کر دیا گیا جبکہ جسٹس خادم حسین سومرو اور جسٹس انعام امین منہاس بھی بینچ میں شامل ہیں۔
