لاہور: (دنیا نیوز) بارشوں اور دھند کے سبب فلائٹ آپریشن متاثر ہونے کے باعث بالائی علاقوں کی 6 پروازیں منسوخ کر دی گئیں۔
فیصل آباد، ملتان، سیالکوٹ اور اسلام آباد ایئر پورٹس پر دھند کے باعث حد نظر متاثر ہوئی ہے جبکہ لاہور ایئر پورٹ کے اطراف میں گرج چمک اور پشاور میں جزوی بارش کا سلسلہ جاری ہے۔
فلائٹ شیڈول کے مطابق اسلام آباد سے گلگت کی 4 پروازوں پی کے 601، 602، 605 اور 606 کو منسوخ کر دیا گیا۔
اسلام آباد سے سکردو کی 2 پروازیں پی کے 451 اور 452 بھی منسوخ کی گئی ہیں اسی طرح مختلف ایئر پورٹس پر آمد اور روانگی کی 14 پروازوں میں تاخیر بھی ہوئی ہے۔
