کوٹ لکھپت جیل میں 18 ماہ سے قید سینیٹر اعجاز چودھری کے پروڈکشن آرڈر جاری

Published On 13 January,2025 04:36 pm

اسلام آباد:(دنیا نیوز)چیئرمین سینیٹ سیّد یوسف رضا گیلانی نے لاہور کی کوٹ لکھپت جیل میں 18 ماہ سے قید سینیٹر اعجاز احمد چودھری کے پروڈکشن آرڈر جاری کردیے۔

چیئرمین سینیٹ نے ایوان بالا میں قائد حزب اختلاف سینیٹر سید شبلی فراز کی درخواست پر رولز کے مطابق پروڈکش آرڈر جاری کیے، سینیٹر اعجاز چودھری کے پروڈکشن آرڈر کی کاپیاں سیکرٹری داخلہ، چیف سیکریٹری پنجاب اور متعلقہ حکام کو جاری کردی گئیں۔

یوسف رضا گیلانی  نے احکامات جاری کیے ہیں کہ سینیٹ کے 345ویں اجلاس میں سینیٹر اعجازچودھری  کی شرکت کو یقینی بنایا جائے، چیئرمین سینیٹ نے کہاکہ اجلاس میں ان کی شرکت ازحد ضروری ہے۔

چیئرمین سینیٹ نے سینیٹ کے قواعد و ضوابط 2012 کے رول 84 کے تحت دیے گئے اختیارات کا استعمال کرتے ہوئے یہ احکامات جاری کیے۔

واضح رہے کہ سینیٹ کا اجلاس کل 14 جنوری بروز منگل کو شام 4 بجے پارلیمنٹ ہاؤس میں ہوگا۔