نوشہرہ: (دنیا نیوز) تیز رفتار ٹریکٹر ٹرالی کی ٹکر سے موٹرسائیکل سوار 2 بھائی جاں بحق ہوگئے۔
افسوسناک حادثہ چارسدہ روڈ پر پیش آیا جہاں تیز رفتار ٹریکٹر ٹرالی بے قابو ہوکر موٹرسائیکل پر چڑھ گئی، حادثے میں موٹرسائیکل پر سوار دو سگے بھائی موقع پر دم توڑ گئے جبکہ ایک شدید زخمی ہوگیا۔
پولیس ذرائع کے مطابق موٹرسائیکل پر سوار تینوں سگے بھائی گھر جارہے تھے، ٹریکٹر ٹرالی کا ڈرائیور موقع سے فرار ہونے میں کامیاب ہوگیا۔
تھانہ نوشہرہ کلاں میں مقدمہ درج کرلیا گیا جبکہ جاں بحق افراد کی لاشوں اور زخمیوں کو ہسپتال منتقل کردیا گیا۔
