راولپنڈی: (دنیا نیوز) پاک فوج کے شعبہ تعلقات عامہ کے مطابق سکیورٹی فورسز نے وادی تیراہ میں آپریشن کے دوران 25 دہشتگرد جہنم واصل کر دیئے جبکہ 4 جوان وطن پر قربان ہو گئے۔
آئی ایس پی آر کے مطابق وادی تیراہ میں سکیورٹی فورسز نے خفیہ اطلاعات پر آپریشن کیا، آپریشن میں فائرنگ کے تبادلے میں فتنہ الخوارج کے 25 دہشت گرد ہلاک، 11 زخمی ہو گئے۔
پاک فوج کے شعبہ تعلقات عامہ کے مطابق ہلاک دہشت گردوں میں رنگ لیڈرابوذرعرف صدام بھی شامل ہے۔
آئی ایس پی آر کے مطابق آپریشنز میں فتنہ الخوارج کو پہنچنے والا بھاری نقصان سکیورٹی فورسز کے دہشتگردی کے خاتمے کے عزم کی تجدید کرتا ہے۔
