کوئٹہ: (دنیا نیوز) بانی پی ٹی آئی کے خلاف بلوچستان ہائی کورٹ نے سنگین غداری کے مقدمے سے متعلق درخواست خارج کردی۔
بانی پی ٹی آئی عمران خان کے خلاف پٹیشن امان اللہ کنرانی ایڈووکیٹ نے دائر کی تھی، درخواست گزار نے اسمبلی کو غیر آئینی طریقے سے توڑنے پر بانی پی ٹی آئی کے خلاف آرٹیکل 6 کے تحت سنگین غداری کا مقدمہ چلانے کی اپیل کی تھی۔
یہ بھی پڑھیں: عدت نکاح کیس: عمران خان، بشریٰ بی بی کی سزا کےخلاف اپیلوں پر فیصلہ محفوظ
عمران خان کے وکیل اقبال شاہ ایڈووکیٹ نے ہائیکورٹ کے دائرہ اختیار پر اعتراض اٹھایا تھا، پٹیشن کی سماعت چیف جسٹس ہاشم خان کاکڑ اور جسٹس شوکت رخشانی پر مشتمل بینچ نے کی۔
عدالت عالیہ بلوچستان نے دائرہ اختیار نہ ہونے پر درخواست کو نمٹاتے ہوئے خارج کردی۔
