لاہور: (دنیا نیوز) لاہور ہائیکورٹ نے بانی پی ٹی آئی کی سات مقدمات میں ضمانتیں خارج کرنے کا فیصلہ کالعدم قرار دینے کا بارہ صفحات پر مشتمل تفصیلی فیصلہ جاری کر دیا۔
فیصلے میں کہا گیا بانی پی ٹی آئی مختلف مقدمات میں عبوری ضمانت پر تھے، عبوری ضمانتوں کے دوران ایک کیس میں سزا ہوئی، بانی پی ٹی آئی گرفتاری کی وجہ سے ٹرائل کورٹ میں پیش نہیں ہو سکے، عدم پیشی کی وجوہات ٹرائل کورٹ کے علم میں لائی گئیں۔
جاری فیصلے میں مزید کہا گیا ٹرائل کورٹ نے حقائق کا درست جائزہ نہیں لیا، بانی پی ٹی آئی کی ضمانتیں خارج کرنے کا فیصلہ کالعدم قرار دیا جاتا ہے، ٹرائل کورٹ ویڈیو لنک کے ذریعے چھ فروری تک درخواست ضمانتوں پر فیصلہ کرے۔
