اسلام آباد: (دنیا نیوز) نگران وفاقی وزیر اطلاعات، نشریات و پارلیمانی امور مرتضیٰ سولنگی نے کہا ہے کہ الیکشن کمیشن مکمل طور پر فعال ہے اور کسی قسم کا کوئی بحران نہیں۔
نگران وفاقی وزیر اطلاعات مرتضیٰ سولنگی نے سماجی رابطے کے پلیٹ فارم ”ایکس“ پر اپنے ایک ٹویٹ میں کہا کہ افواہوں پر دھیان نہ دیں، سیکرٹری الیکشن کمیشن واقعی علیل ہیں۔
مرتضیٰ سولنگی نے مزید کہا کہ اللہ سے ان کی مکمل اور جلد صحت یابی کی دعا کرتے ہیں۔
