اسلام آباد: (دنیا نیوز) عام انتخابات 2024ء کیلئے الیکشن کمیشن نے مسلم لیگ ن کی پنجاب اسمبلی کے لئے ترجیحی فہرست بھی جاری کر دی۔
مسلم لیگ ن کی فہرست میں پنجاب اسمبلی کے لئے 58 خواتین کے نام شامل ہیں، ذکیہ خان، عشرت اشرف، تہمینہ دولتانہ، مریم اورنگزیب، اعظمی زاہد بخاری کے نام ترجیحی فہرست میں شامل ہیں، حنا پرویز بٹ، صائمہ سعدیہ، راحیلہ خادم اور عظمیٰ کاردار کے نام بھی ترجیحی فہرست میں شامل ہیں۔
استحکام پاکستان پارٹی کی جانب سے سارہ احمد پہلے نمبر پر، سیدہ سمیرا احمد دوسرے، سارہ تیسرے اور چوتھے نمبر پر نوین الہٰی کوشامل کیا گیا، استحکامِ پاکستان پارٹی کی جانب سے چودہ ناموں کی ترجیحی فہرست جاری کی گئی ہے۔
تحریک لبیک نے 10 خواتین پر مشتمل فہرست الیکشن کمیشن میں جمع کرائی۔
