لاہور: (دنیا نیوز) انسداد دہشت گردی عدالت نے ڈیفنس کار حادثے میں 6 افراد کی ہلاکت کے کیس میں گرفتار ملزم افنان کی عمر کے تعین کیلئے دوبارہ ٹیسٹ کی اجازت دے دی۔
انسدادِ دہشت گردی عدالت کے جج ارشد جاوید نے پولیس کی درخواست پر سماعت کی۔
پولیس کی جانب سے مؤقف اختیار کیا گیا کہ ملزم افنان کی عمر کے تعین کیلئے ٹیسٹ پہلے دو ڈاکٹرز نے کیا، ملزم کی عمر کے تعین کیلئے پہلے ٹیسٹ کی رپورٹ تسلی بخش نہیں آئی، ملزم افنان کے دوبارہ عمر کے تعین کیلئے 12 رکنی ڈاکٹرز کا بورڈ تشکیل دیا گیا ہے۔
پولیس حکام نے عدالت سے استدعا کی کہ دوبارہ عمر کے تعین کا ٹیسٹ کروانے کا حکم دیا جائے۔
بعدازاں عدالت نے پولیس کی استدعا منظور کرتے ہوئے ملزم افنان کی عمر کے تعین کیلئے ٹیسٹ دوبارہ کرانے کی اجازت دے دی۔
