کراچی: (دنیا نیوز) سابق وفاقی وزیر اور رہنما مسلم لیگ (ن) مفتاح اسماعیل نے کہا ہے کہ 10 فیصد صارفین بھی بجلی کے بل ادا نہیں کرتے ہیں۔
مفتاح اسماعیل نے اپنے تازہ بیان میں کہا ہے کہ مئی جون میں بجلی کی طلب زیادہ ہوتی ہے، مئی جون میں بجلی کی زیادہ لوڈشیڈنگ نہیں کی گئی، مئی جون میں مہنگے فیول پر بجلی بنا کر فراہم کی گئی۔
لیگی رہنما کا کہنا تھا کہ گزشتہ حکومت میں فیصلہ ہوا تھا کہ مارکیٹیں جلد بند کی جائیں گی، پرویز الٰہی وزیرِاعلیٰ بنے تو انھوں نے مارکیٹوں سے متعلق تعاون چھوڑ دیا۔
سابق وفاقی وزیر نے مزید کہا کہ دکانداروں کی لابی ہوتی ہے، مارکیٹیں جلد بند کرانے میں کامیاب نہیں ہوئے۔
