لاہور: (دنیا نیوز) پاکستان تحریک انصاف (پی ٹی آئی) کے چیئرمین اور سابق وزیراعظم عمران خان نے جیل بھرو تحریک معطل کرنے کا اعلان کر دیا۔
سماجی رابطے کی ویب سائٹ ٹوئٹر اپنے پیغام میں سابق وزیراعظم عمران خان نے کہا کہ ہم سپریم کورٹ کے فیصلے کا خیر مقدم کرتے ہیں۔
یہ بھی پڑھیں: جیل بھرو تحریک، پی ٹی آئی کا فیصل آباد میں گرفتاریاں نہ دینے کا فیصلہ
انہوں نے کہا کہ آئین کو برقرار رکھنا سپریم کورٹ کی ذمہ داری تھی اور انہوں نے آج اپنے فیصلے کے ذریعے بہادری سے یہ کام کیا ہے، یہ پاکستان میں قانون کی حکمرانی کی تصدیق ہے۔
— Imran Khan (@ImranKhanPTI) March 1, 2023
چیئرمین پی ٹی آئی کا کہنا تھا کہ ہم اپنی جیل بھرو تحریک کو معطل کر رہے ہیں، ہم کے پی اور پنجاب میں انتخابی مہم کے ساتھ آگے بڑھ رہے ہیں۔
خیال رہے کہ پنجاب اور خیبرپختونخوا میں عام انتخابات کے حوالے سے ازخود نوٹس کیس میں سپریم کورٹ نے دونوں صوبوں میں 90 دنوں میں الیکشن کروانے کا حکم دیا ہے۔
