لندن (دنیا نیوز) وزیراعظم شہباز شریف نے مسلم لیگ (ن) کے قائد اور سابق وزیراعظم میاں نوازشریف سے اہم ملاقات کی ہے، ملاقات کے دوران ملکی سیاسی صورتحال اور دیگر امور پر تبادلہ خیال کیا گیا، ملاقات کے دوران شہباز شریف نے سیلاب کی تباہ کاریوں اور بحالی کے کاموں بارے آگاہ کیا۔
وزیراعظم شہباز شریف اپنے وفد کے ہمراہ برطانیہ پہنچے، ملاقات کے دوران مسلم لیگ ن کے مشاورتی اجلاس میں دیگر لیگی رہنما بھی شریک ہیں۔
اجلاس میں پنجاب میں تحریک عدم اعتماد پیش کرنے یا نہ کرنے کا فیصلہ کیا جائے گا، لندن بیٹھک میں نومبر کے اہم فیصلے پر بھی مشاورت ہوگی۔
وزیراعظم 19ستمبر کو ملکہ برطانیہ کی آخری رسومات میں بھی شرکت کریں گے، شہباز شریف دورہ برطانیہ کے بعد امریکا روانہ ہوں گے جہاں جنرل اسمبلی سے ان کا خطاب شیڈول ہے۔
