اسلام آباد، راولپنڈی:(دنیا نیوز) وزیراعظم شہباز شریف، آرمی چیف جنرل قمر جاوید باجوہ اور وزیر خارجہ بلاول بھٹو زرداری نے متحدہ عرب امارات (یو اے ای) کے صدر شیخ خلیفہ بن زاید النہیان کے انتقال پر افسوس کا اظہار کیا ہے۔
خیال رہے کہ متحدہ عرب امارات کے صدر شیخ خلیفہ بن زاید النہیان انتقال کرگئے، متحدہ عرب امارات کی سرکاری خبر رساں ایجنسی نے شیخ خلیفہ بن زاید النہیان کے انتقال کی تصدیق کرتے ہوئے کہا کہ صدر کے انتقال پر 40 روزہ سوگ کا اعلان کیا گیا ہے۔
سماجی رابطے کی ویب سائٹ ٹوئٹر پر پیغام جاری کرتے ہوئے وزیراعظم شہباز شریف نے افسوس کا اظہار کیا اور لکھا کہ متحدہ عرب امارات کے صدر شیخ خلیفہ بن زاید النہیان کے انتقال کی خبر سن کر گہرا رنج ہوا، متحدہ عرب امارات نے ایک دور اندیش رہنما اور پاکستان ایک عظیم دوست سے محروم ہو گیا ہے، ہم یو اے ای کی حکومت اور عوام کے لئے دلی تعزیت اور ہمدردی کا اظہار کرتے ہیں، اللہ مرحوم کی روح کو سکون دے!۔
Deeply grieved to hear about the passing of HH Sheikh Khalifa bin Zayed Al-Nahyan, President of UAE. UAE has lost a visionary leader & Pakistan a great friend. We send our heartfelt condolences & sympathies to the government & people of the UAE. May Allah rest his soul in peace!
— Shehbaz Sharif (@CMShehbaz) May 13, 2022
آرمی چیف کا اظہار افسوس
#COAS & all ranks of Pak Army express heartfelt condolence on the sad demise of President of UAE,HH, Sheikh Khalifa Bin Zayed Al-Nahyan. “Pak has lost a great friend. May Allah Almighty bless his soul & give strength to bereaved family 2 bear this irreparable loss, Ameen” COAS.
— DG ISPR (@OfficialDGISPR) May 13, 2022
آرمی چیف جنرل قمر جاوید باجوہ سمیت پاک فوج کے تمام رینکس کی جانب سے متحدہ عرب امارات کے صدر کے انتقال پر افسوس کا اظہار کیا گیا۔
پاک فوج کے شعبہ تعلقات عامہ کے ڈائریکٹر جنرل (ڈی جی آئی ایس پی آر) کی جانب سے سماجی رابطے کی ویب سائٹ ٹوئٹر پر اظہار افسوس کا پیغام جاری کیا گیا۔
ڈی جی آئی ایس پی آر کے مطابق آرمی چیف جنرل قمر جاوید باجوہ نے کہا کہ پاکستان ایک قریبی دوست سے محروم ہوگیا، اللہ تعالی مرحوم کو جوار رحمت میں جگہ دے اور سوگوار خاندان کو یہ ناقابل تلافی نقصان برداشت کرنے کی ہمت دے، آمین!۔
بلاول بھٹو زرداری کا اظہار افسوس
پاکستان پیپلز پارٹی کے چیئرمین اور وزیر خارجہ بلاول بھٹو زرداری نے بھی ٹوئٹر پر اپنے پیغام میں متحدہ عرب امارات کے صدر شیخ خلیفہ بن زاید النہیان کے انتقال پر تعزیت کا اظہارکیا۔
انہوں نے لکھا کہ اللہ تعالی مرحوم کی روح کو سکون میں رکھے، ہماری دعائیں شاہی خاندان اور متحدہ عرب امارات کے لوگوں کے ساتھ ہیں۔
Heartfelt and deepest condolences on the sad demise of His Highness Sheikh Khalifa bin Zayed Al Nahyan, President of the UAE. May Allah Almighty rest his soul in eternal peace. Our thoughts and prayers are with the Royal family and the people of the UAE. pic.twitter.com/TECciEnmU9
— BilawalBhuttoZardari (@BBhuttoZardari) May 13, 2022
