ٹانک: (دنیا نیوز) سکیورٹی فورسز کے ٹانک اور میر علی میں آپریشنز کے دوران 4 جوان شہید ہو گئے جبکہ 2 دہشتگرد بھی مارے گئے ہیں۔
آئی ایس پی آر کے مطابق خفیہ اطلاع پر سکیورٹی فورسز نے ٹانک میں آپریشن کیا جس کے دوران 2 دہشت گرد مارے گئے جن کی شاہ زیب عرف ذاکر اور دانیال کے نام سے شناخت ہوئی ہے ، دہشتگردوں کے قبضے سے اسلحہ اور گولہ بارود بھی برآمد ہوا۔
دوسری جانب شمالی وزیرستان کے علاقے میر علی میں کارروائی کے دوران فائرنگ تبادلے میں 4 جوان شہید ہو گئے جبکہ ایک دہشتگرد کو گرفتار کر لیا گیا۔ آئی ایس پی آر کے مطابق گرفتار دہشت گرد سے ملنے والا اسلحہ اور گولہ بارود تحویل میں لے لیا گیا۔
