لاہور: (دنیا نیوز) وزیراعلی پنجاب سردار عثمان بزدار نے چمن دھماکے کے حوالے سے کہا ہے کہ امن دشمن عناصر ملک میں عدم استحکام پیدا کرنے کی مذموم کوششیں کر رہے ہیں۔
بلوچستان کے شہر چمن کے علاقے مال روڈ پر دھماکہ کی شدید مذمت کرتے ہوئے وزیراعلی پنجاب نے دھماکے میں قیمتی انسانی جانوں کے ضیاع پر گہرے دکھ اور افسوس کا اظہار کیا۔
وزیراعلی عثمان بزدار نے لواحقین سے دلی ہمدردی و اظہار تعزیت کیا، وزیر اعلی نے دھماکے میں زخمی ہونے والے افرادکی جلد صحت یابی کیلئے دعا کی۔ ان کا کہنا تھا کہ قوم کے ہر طبقے نے دہشت گردی کے خلاف جنگ میں بے پناہ قربانیاں دی ہیں، قوم کے اتحاد سے ملک دشمن عناصر کے مذموم عزائم ناکام بنائیں گے۔
