لاہور: (دنیا نیوز) وفاقی وزیر سائنس اینڈ ٹیکنالوجی فواد چوہدری نے کہا ہے کہ عدالتوں میں ٹیکنالوجی کا استعمال انتہائی خوش آئند ہے۔ آصف زرداری پر کل بذریعہ ویڈیو لنک فرد جرم عائد کی جائے گی۔
اپنے ٹویٹ میں فواد چوہدری نے کہا کہ احتساب عدالت آصف زرداری کو بذریعہ ویڈیو لنک چارج کرنے جا رہی ہے، عدالتوں میں ٹیکنالوجی کا استعمال انتہائ خوش آئند ہے۔
انہوں نے سوال اٹھایا کہ نوازشریف کے خلاف مقدمات میں ٹیکنالوجی استعمال کیوں نہیں کی جا رہی، ان کیخلاف مقدمات کو فوری طور پر شروع کرنا چاہئے، نوازشریف ویڈیو لنک سے شامل ہوں۔
کل احتساب عدالت آصف زرداری کو بذریعہ ویڈیو لنک چارج کرنے جا رہی ہے،عدالتوں میں ٹیکنالوجی کا استعمال انتہائ خوش آئند ہے سوال یہ ہے کہ نوازشریف کے خلاف مقدمات میں ٹیکنالوجی استعمال کیوں نہیں کی جارہی ان کیخلاف مقدمات کو فوری طور پر شروع کرنا چاہئے اور نوازشریف ویڈیو لنک سے شامل ہوں
— Ch Fawad Hussain (@fawadchaudhry) August 9, 2020
واضح رہے کہ سابق وزیراعظم نوازشریف علاج کی غرض سے لندن میں موجود ہیں، وہ گزشتہ برس نومبر میں لاہور سے لندن روانہ ہوئے تھے۔
