تربت: (دنیا نیوز) تربت میں موٹر سائیکل میں نصب بم دھماکے میں ایک شخص جاں بحق جبکہ 7 زخمی ہوگئے جنہیں ہسپتال منتقل کر دیا گیا۔
تربت کی مصروف ترین شاہراہ پر دھماکہ خیز مواد ایک موٹرسائیکل میں نصب کیا گیا، دھماکے سے قریبی 3 دکانوں کو آگ لگ گئی جبکہ قریبی دکانوں کے شیشے بھی ٹوٹ گئے۔
دھماکے کے بعد سیکیورٹی فورسز نے علاقے کا محاصرہ کیا اور شہر کے خارجی اور داخلی راستوں کو ٹریفک کیلئے بند کر دیا۔
