اسلام آباد: (دنیا نیوز) فیصل ایدھی نے اسلام آباد کے پمز ہسپتال میں اپنا کورونا ٹیسٹ کروایا تھا، تیسری مرتبہ ٹیسٹ کروانے پر نتیجہ منفی آیا۔
سماجی رابطوں کی ویب سائٹ پر ٹویٹر پر جاری پیغام میں فیصل ایدھی نے اپنی کورونا ٹیسٹ رپورٹ شیئر کرتے ہوئے بتایا ہے کہ انہوں نے اپنا تیسرا ٹیسٹ دو روز قبل یعنی چار مئی کو اسلام آباد کے پمز ہسپتال میں کروایا تھا، جو منفی آیا۔
فیصل ایدھی نے ٹویٹ میں کورونا وائرس میں مبتلا مریضوں کی جلد صحت یابی کے لیے دعا بھی کی۔
From the grace of God my first test have become negative from covid 19, and I am very thankful to all who prayed for my health.
— Faisal Edhi (@FEdhiOfficial) May 6, 2020
I pray for all of those who are ill of corona and other diseases to get well soon.
“Corona se darna nahi larna hai” pic.twitter.com/3UiPGFLBdz
خیال رہے کہ اس سے قبل فیصل ایدھی کے دونوں ٹیسٹ مثبت آئے تھے۔ ان کا پہلا کورونا ٹیسٹ گزشتہ ماہ مورخہ 20 اپریل کو ہوا تھا جس کی رپورٹ مثبت آئی تھی۔ ٹیسٹ سے پہلے فیصل ایدھی کو ہلکا بخار اور نزلے کی شکایت تھی۔ وہ کئی دنوں سے کورونا کے مریضوں کے ساتھ رابطے میں تھے۔
ٹیسٹ کی رپورٹ موصول ہوئی تو فیصل ایدھی اسلام آباد میں ہی موجود تھے جہاں انہیں قرنطینہ میں رہنے کی ہدایت کی گئی۔ ڈاکٹرز نے فیصل ایدھی کو اسلام آباد ہی میں قیام کا مشورہ دیا تھا۔
قبل ازیں فیصل ایدھی نے وزیراعظم عمران خان اور دیگر اعلیٰ حکام سے ملاقاتیں بھی کی تھیں، جس کے بعد وزیراعظم عمران خان کا بھی کورونا کا ٹیسٹ کروایا گیا تھا جس کے نتیجہ منفی آیا۔
I am extremely thankful to Dr Naseem Akhtar Head of Department CDC PIMS Hospital Islamabad and her team members for my treatment.
— Faisal Edhi (@FEdhiOfficial) May 6, 2020
فیصل ایدھی نے اپنی ٹویٹ میں پمز ہسپتال کورونا ڈیپارٹمنٹ کے ہیڈ ڈاکٹر نسیم اختر اور ان کی ٹیم کا صحت کی بہترین سہولیات فراہم کرنے پر شکریہ بھی ادا کیا۔
