اسلام آباد: (دنیا نیوز) وزیراعظم عمران خان نے وفاقی وزیر زرتاج گل کی بہن کی بطور ڈائریکٹر نیکٹا تعیناتی کا نوٹس لے لیا، ادارے کو لکھے گئے خط سے وفاقی وزیر کو دستبردار ہونے کی ہدایت کی گئی ہے.
وزیراعظم کے خصوصی مشیر نعیم الحق کا کہنا ہے کہ پی ٹی آئی حکومت میں کوئی عہدیدار اپنے عزیز یا رشتہ دار کو پروموٹ نہیں کر سکتا۔ انھوں نے کہا کہ غلطی تسلیم کرتے ہوئے خان صاحب کل کابینہ میں اراکین کو آگاہ کریں گے۔ اگر کوئی اپنی پوزیشن کا غلط استعمال کرے گا تو سزا ہوگی۔
The PM has directed that Zartaj Gul shud withdraw her letter written to NACTA regarding the appointment of her sister. This was against the ethics of PTI which has always opposed nepotism. No one in the PTI govt is can promote their relatives/friends by using their positions.
— Naeem ul Haque (@naeemul_haque) June 2, 2019
نعیم الحق کا کہنا تھا کہ وزیراعظم نے زرتاج گل کی بہن کی بطور ڈائریکٹر نیکٹا تعیناتی کا نوٹس لیتے ہوئے انھیں خط سے دستبردار ہونے کی ہدایت کی ہے، اس حوالے سے پارٹی پالیسی واضح ہے۔ وزیراعظم یقینی طور پر غلطی کا ازالہ کریں گے تاہم اس وقت مزید ایکشن لینے پر بات نہیں کر سکتا۔
ذرائع کے مطابق وزیراعظم عمران خا ن کاکہنا ہے کہ کوئی بھی شخص حکومتی عہدے کا غلط استعمال نہ کرے، کسی دوست یا عزیز کو مالی فائدہ نہ دیا جائے، ایسےاقدامات سےحکومت اورپارٹی کونقصان پہنچتا ہے۔
