اسلام آباد: (دنیا نیوز) وزیراعظم نیب کی پھر تیوں پر ناخوش، ڈائریکٹر آرکیالوجی خیبر پختونخوا ڈاکٹر عبدالصمد کی گرفتاری اور ہتھکڑیوں میں پیشی پر عمران خان نے کہا ہے چیئرمین نیب کو اپنے ادارے میں اس شرمناک حرکت کے ذمہ دار عناصر کے خلاف کارروائی کرنی چاہیے، ڈاکٹر عبدالصمد پر اختیارات کے ناجائز استعمال کا الزام ہے۔
وزیر اعظم عمران خان نے اپنے ٹوئٹ میں ڈائریکٹر محکمہ آثار قدیمہ و میوزیم ڈاکٹر عبدالصمد کو ہتھکڑیاں لگا کر عدالت میں پیش کئے جانے پر اظہار ناراضی کیا ہے۔ ان کا کہنا ہے چیئرمین نیب کو اپنے ادارے میں اس شرمناک حرکت کے ذمہ دار عناصر کے خلاف کارروائی کرنی چاہیے۔
The NAB Chairman should take action against those in his institution who are responsible for this disgraceful act. pic.twitter.com/kjJvZWrN3o
— Imran Khan (@ImranKhanPTI) February 15, 2019
خیبرپخوانخوا کے سینئر وزیر عاطف خان نے بھی ڈاکٹر عبدالصمد کی گرفتاری پر ٹوئٹ کرتے ہوئے کہا ہے کہ وہ ایشیاء کے پہلے سنسکرت کے پی ایچ ڈی اور ماہر آرکیالوجسٹ ہیں، ڈاکٹرعبدالصمد گولڈ میڈلسٹ اور صدارتی ایوارڈ ستارہ امتیاز یافتہ بھی ہیں۔
NAB handcuffs a scholar of Dr Samad s stature.He was honoured with President s Pride of Performance in archaeology.He topped MA in UoP & got Gold Medal. He secured DAAD German scholarship for his PhD from Freie University Germany becoming the youngest PhD in Archaeology, aged 28!
— Atif Khan (@AtifKhanpti) February 15, 2019
صوبائی وزیر عاطف خان کا کہنا ہے کہ ڈاکٹر عبدالصمد پر صرف کلاس فور کی بھرتیوں کا الزام ہے، جس پر نیب نےانہیں ہتھکڑی لگا کرعدالت میں پیش کیا جو اچھا سلوک نہیں ہے، نیب کو اپنی پالیسیوں پر نظر ثانی کرنی چاہیے۔
ادھر نیب خیبرپختونخوا کے مطابق عبدالصمد نے اختیارات کا ناجائز استعمال کرتے ہوئے مختلف آرکیالوجی سائٹس پر غیر قانونی بھرتیاں کیں جس کے بعد انہیں گرفتار کیا گیا، گرفتاری کے بعد انہیں گزشتہ روز احتساب عدالت میں ہتھکڑیاں لگا کر لایا گیا۔ عدالت نے انہیں 10 روزہ ریمانڈ پر نیب کے سپرد کر دیا ہے۔ ڈاکٹر عبد الصمد کا عدالت میں کہنا تھا کہ الزامات بے بنیاد ہیں، ثابت نہ ہونے پر نیب افسران کے خلاف کارروائی کی جائے۔
