راولپنڈی: (دنیا نیوز) اقوامِ متحدہ کے انڈر سیکرٹری جنرل جین پیری کا دورہ پاکستان، عسکری و سیاسی قیادت سے ملاقاتیں کیں، امن مشن میں پاکستان کی خدمات کو سراہا۔
اقوامِ متحدہ کے انڈر سیکرٹری جنرل برائے یو این امن مشن جین پیری نے وفد کے ہمراہ سینٹر فار انٹرنیشنل پیس اینڈ سٹیبلٹی کا دورہ کیا اور پاکستانی پیس کیپرز کی شاندار خدمات پر خراج تحسین پیش کیا۔ جین پیری نے بین الاقوامی امن کیلئے پاکستانی مسلح افواج کی کوششوں اور قربانیوں کو سراہا۔
سینٹر فار انٹرنیشنل پیس اینڈ اسٹیبلٹی 2013 میں قائم کیا گیا، یہ ادارہ قومی و بین الاقوامی پیس کیپرز کو تربیت فراہم کرتا ہے۔ اس ادارے کا افتتاح یو این سیکرٹری جنرل بانکی مون نے کیا تھا۔ پاکستان نے یو این کے 44 سے زائد امن مشنز میں حصہ لیا۔ وفد نے انسانیت کیلئے قربان ہونے والے 156 پاکستانی پیس کیپرز کی قربانیوں کو خراج عقیدت پیش کیا۔
Mr Jean Pierre Lacroix, USG UNPKO met Army Chief at GHQ & visited Centre of Intl Peace & Stability, Rawalpindi. Paid rich tribute to Pakistani Peacekeepers for their professionalism, sacrifices & contributions to global peace efforts.@UNPeacekeeping @Lacroix_UN @LodhiMaleeha pic.twitter.com/eIKqI1Y87V
— Maj Gen Asif Ghafoor (@OfficialDGISPR) July 2, 2018
یو این انڈر سیکرٹری جنرل نے کہا کہ عالمی امن کوششوں میں پاکستان کے کردار کو تسلیم کرتے ہیں، امن مشنوں میں 156 اہلکاروں کی شہادت قابل تحسین ہے۔سیکرٹری خارجہ کی طرف سے انڈر سیکرٹری اور وفد کو عشائیہ بھی دیا گیا۔
