لاہور: (ویب ڈیسک) پاکستانی ڈرامہ انڈسٹری کی خوبرو اداکارہ و ماڈل مومنہ اقبال سے منسوب وائرل ویڈیو کی حقیقیت سامنے آ گئی۔
سوشل میڈیا پر اداکارہ مومنہ اقبال کی ایک جعلی ویڈیو وائرل ہوئی تھی جس میں انہیں اپنی جنس سے متعلق بات کرتے دیکھا جا سکتا ہے۔
اس جعلی ویڈیو کے وائرل ہونے پر سوشل میڈیا پلیٹ فامرز پر قیاس آرائیاں شروع ہو گئی تھیں کہ آیا مومنہ اقبال ایک مکمل لڑکی نہیں ہیں۔
ویڈیو سے متعلق دعویٰ کیا جا رہا تھا کہ اداکارہ نے اپنے ایک انٹرویو کے دوران بتایا ہے کہ اسی وجہ سے بہت چھوٹی عمر میں ان کے خاندان نے انہیں گھر سے نکال دیا تھا۔
واضح رہے کہ جھوٹ پر مبنی یہ ویڈیو اگست 2022 کو دیئے گئے ایک انٹرویو کے ویڈیو کلپ کو ایڈٹ کر کے جعلی طور پر بنائی گئی اور وائرل کی گئی تھی، حقیقت میں اس ویڈیو کا کوئی تعلق نہیں ہے۔
