ٹیکساس: (ویب ڈیسک) امریکی ریاست ٹیکساس میں نصب ونڈ ٹربائن کے خراب ہونے کی تصویر ان دنوں سوشل میڈیا پر خوب گردش کر رہی ہے جس سے متعلق سوشل میڈیا صارفین کا کہنا ہے کہ اس کے بلیڈز علاقے میں پڑنے والی شدید گرمی کے سبب پگھل گئے حالانکہ اصل وجہ کچھ اور ہے۔
رپورٹ کے مطابق میٹا گورڈا کاونٹی میں ونڈ ٹربائن کے بلیڈز گرمی سے نہیں بلکہ علاقے میں چند روز بیشتر آنے والے تیز ہواؤں کے طوفان سے خراب ہوئے، یہ معلومات محکمہ موسمیات نے دیں۔ ونڈ فارمز کو چلانے والی کمپنی نے بھی تصدیق کی کہ ٹربائن بلیڈز طوفان سے متاثر ہوئے۔ افواہ پھیلنے کی ایک اور وجہ بھی تھی کہ کہ امریکہ کی شمال مغربی ریاستوں میں ہیٹ ویو کے سبب شہریوں کو متنبہ کیا گیا تھا کہ وہ جنریٹرز کا انتظام کریں یا بجلی کو دیگر طریقوں سے گھروں میں سٹور کر لیں ورنہ شدید گرمی کے سبب بجلی کے ترسیلی نظام میں تعطل آنے پر صارفین کو شدید پریشانی اٹھانا پڑ سکتی ہے۔
It’s so hot in Texas right now the wind farms we imported from California and China are actually melting. pic.twitter.com/qbjFo33C0S
— Kenny Webster (@KenWebsterII) June 16, 2021
How hot is it in Texas this week? pic.twitter.com/0aARgFEEHr
— Joel Montfort (@jmontforttx) June 17, 2021
شہریوں نے ہیٹ ویو کے دوران جب ونڈ ٹربائن کے مڑے ہوئے بلیڈز دیکھے تو یہی خیال کیا کہ شدید گرمی کے سبب ایسا ہوا، حالانکہ ایسا 14 جون کو میٹا گورڈا کاونٹی میں آنے والے طوفان نے ونڈ ٹربائن کا حلیہ بگاڑا تھا۔
The power of wind. (Damage to a wind turbine near Wadsworth in Matagorda County from a storm that passed through around 340pm). pic.twitter.com/osGB1sAocw
— NWS Houston (@NWSHouston) June 15, 2021
اس حوالے سے ونڈ ٹربائن کی دیکھ بھال کی ذمہ دار آر ڈبلیو ای نامی کمپنی نے مقامی میڈیا کو باقاعدہ ای میل کے ذریعے مطلع کیا کہ گذشتہ ہفتے آنیوالا طوفان ونڈ ٹربائن کو ہونے والے نقصان کا سبب ہے، کمپنی کے مطابق ونڈ فارم میں نصب صرف ایک ٹربائن خراب ہوا ہے دیگر درست حالت میں کام کر رہے ہیں۔
