ممبئی: (ویب ڈیسک) بالی ووڈ کنگ شاہ رخ خان کی ’جوان‘ کے ہندی ورژن کو پیچھے چھوڑنے کے بعد ’استری 2‘ نے ہندوستانی باکس آفس پر 600 کروڑ روپے کا ناقابل یقین سنگ میل عبور کر لیا۔
ڈائریکٹر امَر کوشک کی ہارر کامیڈی فلم جس میں راجکمار راؤ اور شردھا کپور مرکزی کرداروں میں ہیں اب باکس آفس کی تاریخ میں پہلی ہندی فلم بن گئی ہے جس نے یہ سنگ میل عبور کیا۔
فلم تجزیہ کار ترن آدرش نے سوشل میڈیا پوسٹ کرتے ہوئے کہا کہ یہ 600 کروڑ پار کر چکی ہے، استری 2 نے تاریخ رقم کر دی ہے۔‘
انہوں نے مزید کہا کہ میٹروز سے لے کر نان میٹروز، ملٹی پلیکس سے سنگل سکرینز، شہری مراکز سے بڑے عوامی بازاروں تک استری 2 ہر جگہ جیت رہی ہے۔‘
ترن آدرش نے استری 2 کی ریلیز کے بعد سے ہفتہ وار باکس آفس کا تجزیہ بھی پیش کیا۔
