لاہور: (ویب ڈیسک) معروف پاکستانی اداکار بلال قریشی نے اپنی کامیاب ازدواجی زندگی کا راز بتا دیا۔
حال ہی میں اداکار بلال قریشی نے فوٹو اینڈ ویڈیو شیئرنگ ایپ انسٹاگرام پر سوال جواب کا ایک سیشن رکھا جس میں انہوں نے مداحوں کی جانب سے پوچھے گئے سوالات کے دلچسپ جوابات دیئے۔
سوال جواب کے سیشن کے دوران ایک مداح نے اداکار سے ان کی کامیاب ازدواجی زندگی سے متعلق سوال کیا جس پر بلال قریشی نے جواب دیا کہ میری کامیاب ازدواجی زندگی کا راز یہ ہے کہ میں اپنی اہلیہ عروسہ سے بہت ڈرتا ہوں۔
ایک صارف نے سوال کیا کہ آپ کی اور اہلیہ کی عمروں میں کتنا فرق ہے؟ جس پر اداکار نے جواب دیا 10 سال کا، بعد ازاں اسی صارف نے سوال کی وضاحب طلب کرتے ہوئے پوچھا کہ آپ اہلیہ سے 10سال بڑے ہیں یا اہلیہ آپ سے 10 سال بڑی ہیں؟
بلال قریشی نے ٹال مٹول سے کام لیتے ہوئے جواب دیا کہ " بیٹا اگر یہ سوال میری اہلیہ نے پڑھ لیا نہ وہ آپ کو بتائیں گی"۔
سیشن میں ایک صارف نے بلال سے بہترین تعلق کیلئے کوئی نصیحت طلب کی تو اداکار کا کہنا تھا کہ "ایک کامیاب تعلق کیلئے عزت ضروری ہے"۔
