ممبئی: (ویب ڈیسک) بالی ووڈ کے مشہور اداکار دھرمندر دیول اپنی نئی فلم میں صوفی شیخ سلیم چشتی کا کردار ادا کریں گے۔
بھارتی میڈیا رپورٹ کے مطابق دھرمندر نے سوشل میڈیا پر اپنی نئی فلم ’تاج‘ میں اپنے کردار کی پہلی جھلک شیئر کرتے ہوئے مداحوں کو یہ خبر دی ہے کہ وہ اپنی آنے والی فلم میں صوفی حضرت شیخ سلیم چشتی کا کردار ادا کریں گے۔
Friends, i am playing Shaikh Slim Chishti ….a sufi saint, in film Taaj. A small but an important role………need your good wishes pic.twitter.com/IQpAoaS67y
— Dharmendra Deol (@aapkadharam) February 15, 2023
کونٹیلو ڈیجیٹل کے بینر تلے والی اس فلم میں مغلیہ سلطنت کے ایوانوں اور مغل دور کے مختلف واقعات کو کہانی کے طور پر پیش کیا جائے گا جس میں صوفی شیخ سلیم چشتی کے کردار کو بھی نمایاں رکھا گیا ہے۔
فلم میں بھارتی اداکار نصیر الدین شاہ بادشاہ اکبر کا کردار ادا کرتے دکھائی دیں گے جو ایک قابل جانشین کی تلاش میں ہے،اس فلم میں مغلیہ سلطنت کے عروج اور زوال کو کو ڈرامائی انداز میں پیش کیا جائے گا۔
