حدیقہ کیانی ترکیہ اور شام میں امدادی سامان پہنچانے کیلئے کوشاں

لاہور : ( ویب ڈیسک ) پاکستان شوبز انڈسٹری کی معروف گلوکارہ اور اداکارہ حدیقہ کیانی نے ترکیہ ، شام اور لبنان میں آنے والے زلزلے کے باعث ہونے والی تباہی پر اظہار افسوس کیا ہے۔

واضح رہے کہ ترکیہ اور شام میں آنے والے تباہ کن زلزلے کے نتیجے میں ہلاک ہونے والے افراد کی تعداد 20 ہزار سے تجاوز کر چکی ہے۔

سماجی رابطے کی ویب سائٹ ٹوئٹر پر اپنے ایک بیان میں حدیقہ کیانی نے لکھا کہ میرا دل ترکیہ، شام، لبنان اور زلزلے سے متاثر ہونے والے تمام لوگوں کے ساتھ ہے، میں متاثرین کے لیے دعا کررہی ہوں اور یہ جاننے کی کوشش کررہی ہوں کہ ان تک امدادی سامان کس طرح پہنچایا جاسکتا ہے۔

گلوکارہ نے صارفین سے گزارش کرتے ہوئے لکھا کہ براہ کرم، اگر کسی کے پاس متاثرہ علاقوں میں موجود بھروسہ مند خیراتی ادارے یا تنظیموں کے بارے میں معلومات ہیں تو شیئر کریں۔ 

My heart is with Turkey, Syria, Lebanon and all those impacted by the earthquake. Praying and working on how to supply aid and support if anyone has charities or organizations they trust in those regions, please share

— Hadiqa Kiani (@Hadiqa_Kiani) February 8, 2023