لاہور: (ویب ڈیسک) دنیا بھر میں مختلف شوبز اداکارائیں سر پر تاج سجانے کے لیے مختلف ایونٹ میں شرکت کرتی رہتی ہیں، مس ورلڈ، مس یو ایس اے، مس انڈیا سمیت دیگر ایونٹ میں اداکارائیں ایوارڈ جیت کر دنیا بھر کی نظروں میں آتی ہیں تاہم امریکا میں ایک سائنسدان نے مس امریکا کا تاج سر پر سجا کر سب کو حیران کر ڈالا۔
غیر ملکی خبر رساں ادارے کے مطابق امسال منتظمین واضح کرنا چاہتے تھے کہ مس امریکا کا مقابلہ پرانے وقتوں کی طرح محض خوبصورتی کی پریڈ پر مشتمل نہیں ہو گا بلکہ روایتی مقابلے سے ذرا ہٹ کر ہو گا جو کہ مقابلے کی فاتح مس امریکا نے ثابت بھی کر دیا ہے۔
Our new #MissAmerica2020 is Camille Schrier, @MissAmericaVA!! #MAO #MissAmerica
— The Miss America Org (@MissAmerica) December 20, 2019
ریاست ورجینیا کی بائیو کیمسٹ کیمیل شریئر نے اپنے سائنسی علم کے ذریعے لوگوں کو متاثر کرکے مس امریکہ کا تاج اپنے سرسجا لیا۔ لیب کوٹ پہنے انہوں نے ہائیڈروجن پر آکسائیڈ کی عمل انگیزی کی دلچسپ انداز میں وضاحت کی۔ شریئر کی آبائی ریاست پنسلوانیا ہے۔
ایوارڈ جیتنے کے بعد خوشی کا اظہار کرتے ہوئے ان کا کہنا تھا کہ وہ ’ویمن آف سائنس‘ جو کہ ان کے لیے زیادہ موزوں ہے، بن کر مس امریکا 2020 کے حوالے سے دقیانوسی سوچ کا خاتمہ کرنا چاہتی ہیں۔
شریئر کا کہنا تھا کہ میں ملکہ حسن نہیں ہوں، میں تنظیم کی نمائندہ ہوں اور سر پر تاج سجائے فرد کے علاوہ بھی کچھ ہوں۔ مس امریکا کے لیے کولمبیا کی 50 ریاستوں سے آنے والی 51 خواتین امیدوار نے 50 ہزار ڈالر (تقریباً 55 لاکھ پاکستانی روپے) کے وظیفے اور مس امریکا جو ایک سال کی مدت پر مبنی ملازمت ہے جس میں توقع کی جاتی ہے کہ وہ اسے بطورعوامی پلیٹ فارم استعمال کرتے ہوئے عوام کی مثبت رائے سازی کے کام کریں گی۔
.@MissAmerica can be a scientist because a scientist IS NOW #MissAmerica2020!! Congratulations to @VT_alumni @MissAmericaVA — you ve made @VT_Science, #HokieNation, and #WomenInSTEM everywhere so proud. https://t.co/1Ubxp29yaa pic.twitter.com/57eTxkpjz3
— Virginia Tech (@virginia_tech) December 20, 2019
مس امریکا آرگنائزیشن کی صدر اور سی ای او ریجائینا ہوپر کا کہنا تھا کہ اسے ان نوجوان لڑکیوں سے متعلقہ بنانے کے لیے ہمارے لیے ضروری تھا کہ ہم اس بات کو یقینی بنائیں کہ ہم اس نسل کی عکاسی کرتے ہیں۔
24 سالہ بائیو کیمسٹ کا کہنا تھا کہ جب معلوم ہوا کہ کانٹیسٹ کو مس امریکا کے مقابلے کا حصہ نہیں بنایا گیا جس میں تیراکی کا لباس زیب تن کیا جاتا ہے اور خواتین کے ظاہری خدوخال کے لحاظ سے پرکھا جاتا ہے۔
شریئر ورجینیا ٹیک نامی یونیورسٹی سے گریجویٹ ہیں، انہوں نے بائیو کیمسٹری اور سسٹمز بائیولوجی میں ڈگری حاصل کی ہے۔ شریئر اب فارمیسی میں ڈگری لینے لے لیے مزید پڑھ رہی ہیں۔
