خیر پور: (دنیانیوز) خیر پور میں نامعلوم افراد نے فائرنگ کرکے 2 افراد کو قتل کر دیا۔
کچے کے علاقے تھانہ عبدالرحمان انٹر میں نامعلوم موٹرسائیکل سوار افراد نے اندھا دھند فائرنگ کردی، گولیاں لگنے سے دونوں افراد موقع پر دم توڑ گئے جبکہ موٹرسائیکل سوار فرار ہونے میں کامیاب ہوگئے۔
واقعہ کی اطلاع پر پولیس اور امدادی ٹیمیں موقع پر پہنچ گئیں، جاں بحق ہونے والے افرادکی لاشوں کو ضروری کارروائی کے لئے ہسپتال منتقل کر دیا گیا۔
پولیس حکام کے مطابق ملزموں کی تلاش کیلئے ٹیمیں تشکیل دے دی گئی ہیں، ملزموں کو جلد گرفتار کر لیا جائے گا۔
