مردان: (دنیا نیوز ) خیبرپختونخوا کےضلع مردان میں غیرت کے نام پر خاتون سمیت دو افراد کو قتل کردیا گیا ۔
مردان کے علاقے باغیچہ ڈھیری میں غیرت کے نام پر فائرنگ اور کلہاڑی کے وار کرکے خاتون سمیت دو افراد کو موت کے گھاٹ اتاردیا گیا ۔
اطلاع ملتے ہی پولیس جائے وقوعہ پر پہنچ گئی ، پولیس نے مقتولین کی لاشیں گھر سے برآمد کرلیں۔
پولیس کا کہنا ہے کہ مبینہ ملزم کے ساتھ خاتون کا بھائی بھی واردات میں شریک تھا ، ملزمان جائے وقوعہ سے فرار ہوگئے جن کی تلاش کیلئے پولیس کی جانب سے چھاپے مارے جارہے ہیں ۔
