لاہور: (دنیا نیوز) لاہور کے علاقے چوہنگ میں چینی باشندوں کے ساتھ ڈکیتی کے دوران نامعلوم افراد نے رقم اور گارڈ سے اسلحہ چھین لیا، وزیراعلیٰ نے سی سی پی او لاہور سے رپورٹ طلب کر لی۔
ایس پی صدر حسن جاوید بھٹی کا کہنا ہے کہ ملزمان کی گرفتاری کیلئے اے ایس پی رائیونڈ کی سربراہی میں خصوصی ٹیم تشکیل دے دی گئی ہے ۔ چینی باشندوں کی درخواست کے بعد ایف آئی آر درج کی جائے گی۔
انہوں نے مزید کہا کہ ملزمان کی گرفتاری کیلئے تمام تر دستیاب وسائل کو بروئے کار لایا جائے گا۔
