راولپنڈی: (دنیا نیوز) خاتون ٹیچر سے پرس چھیننے کے ملزم کو عدالت نے ایک سال قید کی سزا سنا دی جبکہ 30 ہزار روپے جرمانے کا بھی حکم دیدیا۔
تفصیلات کے مطابق خاتون ٹیچر سے پرس چھیننے کے مقدمہ کی تیز ترین سماعت کے بعد مقدمہ کا فیصلہ سنا دیا گیا، ملزم کے خلاف کیس کی سماعت سول جج سردار عمر حسن خان نے کی۔
خاتون سے پرس چھیننے والے ملزم نے اقبال جرم کر لیا جس کے بعد عدالت نے ملزم کو ایک سال قید، 30 ہزار روپے جرمانہ کی سزا کا حکم دیدیا۔
یہ بھی پڑھیں: راولپنڈی: خاتون سے پرس چھین کر فرار ہونیوالاملزم گرفتار، چھینا گیا سامان برآمد
عدالت کی طرف سے حکم میں کہا گیا ہے کہ عدم ادائیگی جرمانہ پر ملزم کو مزید دو ماہ قید کاٹنی ہو گی۔
یاد رہے کہ گزشتہ ہفتہ عزیز آباد کے علاقہ میں خاتون ٹیچر سے پرس چھیننے کی ویڈیو سوشل میڈیا پر وائرل ہوئی تھی تھانہ ریس کورس میں ایف آئی آر درج کرکے پولیس نے ریکارڈ وقت میں ملزم کو ٹریس کرکے گرفتار کیا تھا۔
