لاہور: (دنیا نیوز) تھانہ اقبال ٹاون کے باہر سے تھانیدار کی گاڑی چوری ہو گئی، پولیس نے مقدمہ تو درج کر لیا تاہم ملزمان گرفتار کرنے میں تاحال ناکام ہے۔
پولیس تھانے دار بھی چوروں سے محفوظ نہیں، انویسٹی گیشن اے ایس آئی اصغر مجید نے لاہور کے تھانہ اقبال ٹٓاون کے باہر گاڑی کھڑی کی اور کام سے اندر چلا گیا۔ واپس آیا تو اس کی گاڑی غائب تھی۔
تھانے دار اصغر مجید نے گاڑی چوری کا مقدمہ درج کروا دیا، تھانہ اقبال ٹاون پولیس کے مطابق تحقیقات شروع کر دی گئی ہیں اور ملزمان کو گرفتار کرنے کی بھی کوششیں جاری ہیں تاہم تاحال کوئی کامیابی نہیں ملی۔
