لاہور: (لاہور نیوز) صوبائی دارالحکومت لاہور کے نواحی علاقے گجرپورہ میں سسرالیوں کے تشدد سے دو بچوں کی ماں زندگی کی بازی ہار گئی۔ مقتولہ صبا کے بھائی عابد علی کی مدعیت میں سسرالیوں کے خلاف قتل کا مقدمہ درج کر لیا گیا۔
پولیس کے مطابق مقدمے میں مقتولہ کا شوہر جہانگیر، ساس نیلو سمیت 7 افراد نامزد، ملزمان فرار ہو گئے۔ ملزمان کی گرفتاری کیلئے چھاپے مارے جا رہے ہیں۔
پولیس کے مطابق مقتولہ صبا رائیونڈ کی رہائشی تھی، 5 سال قبل جہانگیر سے شادی ہوئی، 30 سالہ صبا کی 2 بیٹیاں ہیں۔ جسم پر تشدد کے نشانات، لاش پوسٹ مارٹم کیلئے مردہ خانے منتقل کر دی گئی۔
