لاہور: (ویب ڈیسک) پاکستان سپر لیگ کی ٹیم کراچی کنگز کے فاسٹ باؤلر حسن علی پی ایس ایل کی تاریخ میں سب سے زیادہ وکٹیں حاصل کرنے والے باؤلر بن گئے۔
حسن علی نے 84 اننگز میں مجموعی طور پر 116 وکٹیں حاصل کیں، انہوں نے وہاب ریاض کی 113 وکٹوں کا ریکارڈ توڑا ہے۔
کراچی کنگز کے فاسٹ باؤلر نے یہ اعزاز گزشتہ روز کوئٹہ گلیڈی ایٹرز کے خلاف میچ میں حاصل کیا، حسن علی نے کوئٹہ کے خلاف شاندار باؤلنگ کرتے ہوئے میچ میں 3 وکٹیں حاصل کیں۔
اس سے قبل پی ایس ایل میں سب سے زیادہ وکٹوں کا ریکارڈ وہاب ریاض کے پاس تھا جنہوں نے 87 اننگز میں 113 وکٹیں حاصل کی تھیں۔
