ہملٹن: (دنیا نیوز) نیوزی لینڈ نے مایہ ناز بلے باز مارک چیپمین پاکستان کے خلاف دوسرے ون ڈے میچ سے باہر ہوگئے۔
نیوزی لینڈ کرکٹ کے مطابق مارک چیپمین دائیں ہیم سٹرنگ انجری کا شکار ہو گئے ہیں، ان کی جگہ ٹم سیفرٹ کو سکواڈ میں شامل کر لیا گیا ہے۔
مارک چیپمین پہلے ون ڈے میچ میں فیلڈنگ کے دوران انجری کا شکار ہوئے، ایم آر آئی اسکین میں گریڈ ون ٹئیر کی نشاندہی ہوئی ہے، مارک چیپمین کو ری ہیب کے لیے مختصر وقت درکار ہے۔
یاد رہے کہ مارک چیپمین نے پہلے ون ڈے میچ میں 132 رنز کی شاندار اننگز کھیلی تھی، پاکستان اور نیوزی لینڈ کے درمیان دوسرا ون ڈے میچ کل کھیلا جائے گا۔
